WO SUYE LAALA ZAAR PHIRTE HAIÑ
Wo suye laalazaar phirte haiñ
Tere din aye bahaar phirte haiñ
Jo tere dar se yaar phirte haiñ
Dar badar yuñ hi khwaar phirte haiñ
Aah kal aish to kiye humne
Aaj wo beqaraar phirte haiñ
Us gali ka gada hooñ meiñ jis meiñ
Maangte tajdaar phirte haiñ
Jaan hai jaan kya nazar aaye
Kyuñ adu girde gaar phirte haiñ
Phool kya dekhuñ meri aankhoñ meiñ
Dasht e Taiba ke khaar phirte haiñ
Lakhoñ qudsi haiñ kaam khidmat par
Lakhoñ gird e mazaar phirte haiñ
Rakhiye jaise haiñ khana zaad haiñ hum
Mol ke aib daar phirte haiñ
Haaye gaafil wo kya jaga hai jahañ
Paanch jaate haiñ chaar phirte haiñ
Baaeiñ raste na jaa musafir sun
Maal hai raah maar phirte haiñ
