UNKI MAHEK NE DIL KE
Unki Mahek ne dil ke guñche khila diye haiñ
Jis Raah Chal gaye haiñ kooche basaa diye haiñ
Jab Aa gayi haiñ joshe rehmat pe un ki aañkheiñ
Jalte bujha diye haiñ rote hañsa diye haiñ
Ek dil hamara kya hai aazaar is ka kitna
Tum ne to chalte phirte murde jila diye haiñ
Un ke nisaar koi kaise hi ranj meiñ ho
Jab yaad aa gaye haiñ sab gam bhula diye haiñ
Hum se faqeer bhi ab pheri ko uth-te honge
Ab to gani ke dar par bistar jamaa diye haiñ
Asra meiñ guzre jis dum bede pe qudsiyoñ ke
Hone lagi salaami parcham jhuka diye haiñ
Aane do ya dubo do ab to tumhari jaanib
Kashti tumheiñ pe chhodi langar utha diye haiñ
Doolha se itna keh do pyaare sawaari roko
Mushkil meiñ haiñ baraati purkhaar baadiye haiñ
Allah kya jahannam ab bhi na sard hoga
Ro ro ke Mustafa ne dariya bahaa diye haiñ
Mere kareem se gar qatra kisi ne maanga
dariya bahaa diye haiñ dur be bahaa diye haiñ
