TERA ZARRA MAH E KAAMIL HAI
Tera zarra mah e kaamil hai Ya Gaus
Tera qatra yam e saail hai Ya Gaus
Koi Saalik hai ya Waasil hai Ya Gaus
Wo kuch bhi ho tera Saail hai Ya Gaus
Qad e be saaya zille kibriya hai
Tu us besaaya zil ka zil hai Ya Gaus
Ye teri champai rangat Husaini
Hasan ke chaand Sub-he dil hai Ya Gaus
Ishaara meiñ kiya jis ne Qamar chak
Tu is mah ka mahe kaamil hai Ya Gaus
Tu apne waqt ka Siddeeq e Akbar
Gani o Haidar o Aadil hai Ya Gaus
Wali kya mursal aayeiñ khud Huzoor Aayeiñ
Wo teri Wa’az ki mehfil hai Ya Gaus
Jisey maange na paayeiñ jaah wale
Wo bin maange tujhe haasil hai Ya Gaus
Fuyooz e aalam e ummi se tujh par
Ayaañ maazi o mustaqbil hai Ya Gaus
Jo qarnoñ sair meiñ Aarif na paayeiñ
Wo teri pehli hi manzil hai Ya Gaus
Na kyuñ ho teri manzil arsh e saani
Ke arsh e haq teri manzil hai Ya Gaus
Wahiñ se uble haiñ saatoñ samandar
Jo teri naher ka Saahil hai Ya Gaus
Jo tera naam le Zaakir hai pyare
Tasawwur jo kare Shaagil hai Ya Gaus
Jo sar dekar tera sauda khareede
Khuda de aql wo aaqil hai ya Gaus
