SUNLO KHUDA KE WAASTE
Sunlo khuda ke waaste apne gadaa ki arz
Ye arz hai huzoor bade be nawaa ki arz
Unke gadaa ke dar pe hai yuñ baadshaah ki arz
Jaise ho baadshaah ke dar par gadaa ki arz
Qurbaan un ke naam ke be un ke naam ke
Maqbool ho na khaas e janaab e Khuda ki arz
Gum ki ghataayeiñ chhaayi hai mujh teera bakht par
Aye mehr sun le zarra e bedast o paa ki arz
Aye bekasoñ ke haami o yaawar siwa tere
Kis ko garaz hai kaun sune mubtala ki arz
Dukh meiñ rahe koi ye gavaara nahiñ unheiñ
Maqbool kyuñ na ho dil e dard aashna ki arz
Kyuñ tul duñ Huzoor ye deiñ ye ata kareiñ
Khud jaante haiñ aap mere mudda’aa ki arz
