PHIR KE GALI GALI TABAAH
Phir ke gali gali tabaah thokareiñ sab ki khaayeiñ kyuñ
Dil ko jo aql de khuda Teri gali se jaayeiñ kyuñ
Rukhsat e qaafila ka shor gash se hameiñ uthaye kyuñ
Sote haiñ unke saaye meiñ koi hameiñ jagaaye kyuñ
Baar na the habib ko paalte hi garib ko
Royeiñ jo ab naseeb ko chain kaho gañwaaye kyuñ
Yaad e Huzoor ki qasam gaflat e aish hai sitam
Khoob haiñ qaid e Gam meiñ hum koi hameiñ chhurdaaye kyuñ
Dekh ke hazrat e gani phail pade faqeer bhi
Chhai hai ab to chhaawni Hashr hi aa najaaye kyuñ
Jaan hai ishq e Mustafa roz fazuñ kare Khuda
Jis ko ho dard ka mazaa naaz e dawa uthaye kyuñ
Ab to na rok aye gani aadate sag bigad gayi
Mere Kareem pehle hi luqma e tar khilaye kyuñ
Sang e dare huzoor se hum ko khuda na sabr de
Jana hai sar ko ja chuke dil ko qaraar aaye kyuñ
