JO TERA TIFL HAI KAAMIL HAI
Jo tera tifl hai kaamil hai Ya Gaus
Tufaili ka laqab waasil hai Ya Gaus
Tu noore awwal o aakhir hai Maula
Tu khair-e-’aajil o aajil hai Ya Gaus
Ahad se Ahmed aur Ahmed se Tujh ko
Kun aur sab kun makun haasil hai Ya Gaus
Teri Izzat, teri rif’at, tera fazl
Bifazlihi afzal o faazil hai Ya Gaus
Tu barzakh hai barang e noon e minnat
Do jaanib muttasil waasil hai Ya Gaus
Nabi se aakhiz aur Ummat pe faaiz
Udhar qaabil Idhar faa’il hai Ya Gaus
Ajam kaisa Arab, Hil kya Haram meiñ
Jami har jaa teri mehfil hai Ya Gaus
Teri Qudrat to fitriyat se hai
Ke qaadir naam meiñ daakhil hai Ya Gaus
Tasarruf waale sab mazhar haiñ tere
Tu hi is parde meiñ faa’il hai Ya Gaus
