HIRZE JAAÑ ZIKRE SHAFA’AT
Hirz e jaañ Zikr e Shafa’at kijiye
Naar se bachne ki soorat kijiye
Un ke Naqshe paa pe gairat kijiye
Aañkh se chhup kar ziyaarat kijiye
Un ke dar par jaise ho mit jaaiye
Naa Tawaano! kuchh to himmat kijiye
Pher dije panja e deve la’eeñ
Mustafa ke bal pe taaqat kijiye
Un ke dar par baithiye ban kar faqeer
Be nawaao Fikr e sarwat kijiye
Jis ka Husn Allah ko bhi bha gaya
Aise pyaare se Mohabbat kijiye
Naara kijiye Ya Rasoolallah ka
Mufliso! Saamaan e Daulat kijiye
Aap Sultaan e Jahaañ hum be nawaa
Yaad humko waqt e ne’amat kijiye
Ab to Aaqa muñh dikhaane ka nahiñ
Kis tarah rafa e nadamaat kijiye
Apne hathoñ Khud luta baithe haiñ ghar
Kis pe daawa e baza’at kijiye
Kis se kahiye kya kiya kya ho gaya
Khud hi apne par malaamat kijiye
Apni ek meethi nazar ke shahed se
Chaara e zehre museebat kijiye
De khuda himmat ke ye jaan e hazeeñ
Aap par waareiñ wo soorat kijiye
Aap hum se badhke hum par maherbaañ
Hum kareiñ jurm aap rehmat kijiye
