DARD E DIL KAR MUJHE
Dard e dil kar mujhe ataa Ya Rab
De mere dard ki dawaa Ya Rab
Laaj rakh le gunaahgaaroñ ki
Naam Rehmaan hai tera Ya Rab
Aib mere na khol mehshar meiñ
Naam Sattaar hai Tera Ya Rab
Be sabab bakhsh de na poochh amal
Naam Gaffaar hai Tera Ya Rab
Bhool kar bhi na aaye yaad apni
Mere dil se mujhe bhula Ya Rab
Khaak kar apne aastaane ki
Yuñ hameiñ khaak meiñ mila Ya Rab
Meri aañkheiñ mere liye tarseiñ
Mujh se aisa mujhe chhupa Ya Rab
Tuney mere zaleel haathoñ meiñ
Daaman e Mustafa diya Ya Rab
Tuney di mujh ko ne’amate Islaam
Phir Jama’at mein le liya Ya Rab
Kar diya tuney Qaadri mujh ko
Teri qudrat ke maiñ fida Ya Rab
Daulatein aisi ne’amateiñ itni
Be garaz tuney keeñ ataa Ya Rab
De ke lete Naheeñ kareem kabhi
Jo diya jis ko de diya Ya Rab
Tu kareem aur kareem bhi aisa
Ke nahiñ jis ka dosara Ya Rab
Is nikamme se kaam le aise
Ye nikamma ho kaam ka Ya Rab
Mujhe aise amal ki de taufeeq
Ke ho raazi teri raza Ya Rab
Mujhe donoñ jahaañ ke gam se bacha
Shaad rakh shaad daaima Ya Rab
Mere ahbaab par bhi fazl rahe
Tera tere habeeb ka Ya Rab
Ahlesunnat ki har Jama’at par
Har jagah ho teri ataa Ya Rab
Dushmanoñ ke liye hidaayat ki
Tujh se karta hooñ ilteja Ya Rab
