AAÑKHEIÑ RO RO KE SUJAANE WALE
Aañkheiñ ro ro ke sujaane wale
Jaane wale nahiñ aane wale
Sun leiñ a’ada maiñ bigadne ka nahiñ
Wo salaamat haiñ banaane wale
Añkheiñ kuchh kehti haiñ tujh se paigaam
O dar e yaar ke jaane wale
Phir na karwat li Madina ki taraf
Arey chal jhoote bahaane wale
Husn tera saa na dekha na suna
Kehte haiñ agle zamaane wale
Wahi dhoom un ki hai Maasha-Allah
Mit gaye aap mitaane wale
Saath le lo mujhe maiñ mujrim hooñ
Raah meiñ padte haiñ thaane wale
Ho gaya dhak se kaleja mera
Haaye rukhsat ki sunaane wale
