AHMED RAZA KHAÑ QAADRI
Aabru e Mominaañ Ahmed Raza Khañ Qaadri
Rehnuma e Gumrahaañ Ahmed Raza Khañ Qaadri
Ilm meiñ behr e rawaañ Ahmed Raza Khañ Qaadri
Deen meiñ gauhar fishaañ Ahmed Raza Khañ Qaadri
Ilm ke haiñ Gulsitaañ Ahmed Raza Khañ Qaadri
Baag e Deeñ ke gulfishaañ Ahmed Raza Khañ Qaadri
Chashme Imaañ se agar dekho to haiñ Imaañ ki jaañ
Jaane Jaañ Roohe rawaañ Ahmed Raza Khañ Qaadri
Tera ilm o fazl o shaan o shaukat o jaah o hasham
Shash jehat par hai ayaañ Ahmed Raza Khañ Qaadri
Hai Arab ke aalimoñ ka madh khwaañ saaraa jahañ
Aur wo tere madh khwaañ Ahmed Raza Khañ Qaadri
Tum se gulzaar e shari’at meiñ khile khush rang phool
Baage deen meiñ gul fishaañ Ahmed Raza Khañ Qaadri
Deen ka dushman ho ya ho dost sab ke waaste
Hai teri haq go zubaañ Ahmed Raza Khañ Qaadri
Haq Ta’ala ne kiye be had kamaalaato uloom
Tere seene meiñ nihaañ Ahmed Raza Khañ Qaadri
Ahlesunnat ke saroñ par daaima rakkhe Khuda
Tujh ko baa amn o amaañ Ahmed Raza Khañ Qaadri
Aalimaan e Makka wo Taiba ne li tujh se sanad
Haiñ wo tere qadr daañ Ahmed Raza Khañ Qaadri
Kya sataa sakte haiñ tujhko tere aa’ada murshida
Haq hai tujh par maherbaañ Ahmed Raza Khañ Qaadri
Pad gayaa hai pusht par a’ada ki ab kya jaayega
Tere kode ka nishaañ Ahmed Raza Khañ Qaadri
Cheer kar bad mazhaboñ ke dil meiñ guzri waar paar
Tere neze ki sinaañ Ahmed Raza Khañ Qaadri
Aa chuki thi shaikh e najdi ke beyabaañ meiñ bahaar
Bhej di tuney khizaañ Ahmed Raza Khañ Qaadri
Fateh di Haq ne tujhe a’ada e deeñ par daaima
Tujh pe hai Haq meharbaañ Ahmed Raza Khañ Qaadri
Haq isey kehte haiñ dekho rad na koi kar sakaa
Tera fatwa e Azaañ Ahmed Raza Khañ Qaadri
Khaandaane Paak e Barkaatia ka chashm o charaag
Kehte the Noori Miyaañ Ahmed Raza Khañ Qaadri
Muhiye Sunnat aur Mujaddid is sadi ke aap haiñ
Aye Imam e Muftiyaañ Ahmed Raza Khañ Qaadri
Yaad rakheiñ ge qiyaamat tak Gulaamaane Rasool
Tere Jalsoñ ka Samaañ Ahmed Raza Khañ Qaadri
Aye mere Achhe ke Achhe mujh ko bhi achchhaa banaa
Sadqa e Achhe Miyaañ Ahmed Raza Khañ Qaadri
Sadqa e Sarkaar e Jilaani phaleiñ phuleiñ Mudaam
Mustafa, Haamid Miyaañ Ahmed Raza Khañ Qaadri
