GUZRE JIS RAAH SE
Guzre jis raah se wo Sayyide waala hokar
Reh gayi saari zameeñ ambar e saaraa hokar
Rukhe anwar ki tajalli jo qamar ne dekhi
Reh gaya bosa dehe naqsh e kafe pa hokar
Waa e Mehroomi e qismat ke maiñ phir ab ki baras
Reh gaya hamrahe zawwaare Madina hokar
Chaman e Taiba hai wo baagh ke murge sidraah
Barsoñ chehke haiñ jahañ bulbule shaida hokar
Gosh-e-sheh kehte haiñ faryaad rasi ko hum haiñ
Vaada e chashm hai bakhshayeiñge goya hokar
Paaye sheh par gire ya Rab tapishe mehr se jab
Dil e betaab ude hashr meiñ paara hokar
