POOCHHTE KYA HO ARSH PAR
Poochhte kya ho arsh par yuñ gaye Mustafa ke yuñ
Kaif ke par jahañ jaleiñ koi bataaye kya ke yuñ
Qasre dana ke raaz meiñ aqleiñ to gum haiñ jaisi haiñ
Rooh e quds se poochhiye tum ne bhi kuchh suna ke yuñ
Maine kaha ke jalwa e asl meiñ kis tarah gumeiñ
Subh ne noor e mehr meiñ mit ke dikha diya ke yuñ
Dil ko de noor o daage ishq phir maiñ fida do neem kar
Maana hai sun ke shaq e maah aankhoñ se ab dikha keyuñ
Dil ko hai fikr kis tarah murde jilatey haiñ Huzoor
Aye maiñ fida laga kar ek thokar ise bataa ke yuñ
Baag meiñ shukr e wasl tha hijr meiñ haye haye gul
Kaam hai un ke zikr se khair wo yuñ huwa ke yuñ
