KYA MAHEKTE HAIÑ MAHEKNE WALE
Kya mahekte haiñ mahekne wale
Boo pe chalte haiñ bhatakne wale
Jagmaga uthi meri gor ki khaak
Tere qurbaan chamakne wale
Mahe bedaag ke sadqe jaaooñ
Yuñ damakte haiñ damakne wale
Arsh tak phaili hai taab e aariz
Kya jhalakte haiñ jhalakne wale
Gul e taiba ki sana gaate haiñ
Nakhl e Tooba pe chahekne wale
Aasiyo! thaam lo daaman un ka
Wo nahiñ haath jhatakne wale
Abr e rehmat ke salaami rehna
Phalte haiñ paude lachakne wale
Arey ye jalwa gaahe jaanaañ hai
Kuchh adab bhi hai phadakne wale
Sunniyo! un se madad maañge jaao
Pade bakte raheiñ bakne wale
Sham’e yaad e rukh e jaanaañ na bujhe
Khaak ho jaayeiñ bhadakne wale
Maut kehti hai ke jalwa hai qareeb
Ek zaraa so leiñ bilakne wale
Koi in tez radooñ se keh do
Kis ke hokar raheiñ thakne wale
Dil sulagta hi bhalaa hai aye zabt
Bujh bhi jaate haiñ dahakne wale
Hum bhi kumhlaane se gaafil the kabhi
Kya hañsa gunche chatakne wale
Nakhl se chhutke ye kya haal huwa
Aah! o patte khadakne wale
Jab gire muñh sooye maikhaana tha
Hosh meiñ haiñ ye bahekne wale
Dekh O zakhm e dil aape ko sambhaal
Phoot behte haiñ tapakne wale
Mae kahaañ aur kahaañ maiñ zaahid
Yuñ bhi to chhakte haiñ chhakne wale
