NABI SARWARE HAR RASOOL O WALI
Nabi Sarware har Rasool o wali hai
Nabi Raaz daare ma’allahi lee hai
Wo Naami ke Naam e Khuda Naam Tera
Raoof o Raheem o Aleem o Ali hai
Hai betaab jis ke liye arsh e aazam
Wo is rehrawe La Makaañ ki gali hai
Nakeerain karte haiñ taazeem meri
Fida ho ke tujh par ye izzat mili hai
Talaatum hai kashti pe toofaan gam ka
Ye kaisi hawa e mukhalif chali hai
Na kyuñkar kahuñ yaa Habibi Agisni
Isi naam se har museebat tali hai
Tere chaaroñ hamdam haiñ yak jaan yak dil
Aboobakr Farooq Usmaan Ali hai
Khuda ne kiya tujhko aagaah sab se
Do aalam meiñ jo kuchh khafi wo jali hai
Tamanna hai farmaiye roz e mehshar
Ye teri rihaai ki chitthi mili hai
Tere dar ka darbaañ hai Jibreel e Aazam
Tera madh khwaañ har Nabi wo wali hai
