DUSHMAN E AHMED PE SHIDDAT KIJIYE
Dushman e Ahmed pe shiddat kijiye
Mulhidoñ ki kya murawwat kijiye
Zikr un ka chhediye har baat meiñ
Chhedna Shaitaañ ka aadat kijiye
Misl e faaras zalzale hoñ najd meiñ
Zikr e Aayaat e Vilaadat kijiye
Gaiz meiñ jal jaayeiñ be deenoñ ke dil
“Ya Rasoolallah” ki kasrat kijiye
Haq tumheiñ farma chuka apna habeeb
Ab shafa’at bil muhabbat kijiye
Mulhidoñ ka shak nikal jaaye huzoor
Jaanibe meh phir ishaarat kijiye
Shirk Thehre jis meiñ taazeem e Habeeb
Us bure mazhab pe laanat kijiye
Zaalimo! Mehboob ka haq tha yahi
Ishq ke badle adaawat kijiye
Baith-te uth-te Huzoor e Paak se
Ilteja wo iste’aanat kijiye
Ya Rasoolallah duhaai Aap ki
Go shumaale Ahle bid’at kijiye
Gaus e Aazam Aap se fariyad hai
Zinda phir ye Paak Millat kijiye
Ya Khuda Tujh tak hai sab ka muntaha
Auliya ko hukm e nusrat kijiye
