KA’ABA KE BADRUDDUJA TUM PE
KAROROÑ DUROOD
Ka’aba ke badrudduja Tum pe Karoroñ Durood
Taiba ke shamsudduha Tum pe Karoroñ Durood
Shaafa’e roz e jazaa Tum pe Karoroñ Durood
Daafa’e Jumla balaa Tum pe Karoroñ Durood
Aur koi gaib kya tum se nihaañ ho bhalaa
Jab na khuda hi chhupa Tum pe Karoroñ Durood
Dil karo thanda mera wo kafe paa chaand sa
Seene pe rakh do zaraa Tum pe Karoroñ Durood
Zaat huwi intekhaab wasf huwe laajawaab
Naam huwa Mustafa Tum pe Karoroñ Durood
Wo shabe me’araaj raaj wo saf e mehshar ka taaj
Koi bhi aisa huwa Tum pe Karoroñ Durood
Be-hunar o be tameez kis ko huwe haiñ azeez
Ek tumhare siwa Tum pe Karoroñ Durood
Aas hai koi na paas ek tumhari hai aas
Bas hai yahi aasraa Tum pe Karoroñ Durood
Tum ho shifa e maraz khalqe khuda khud garaz
Khalq ki haajat bhi kya Tum pe Karoroñ Durood
Seenah ke hai daag daag kehdo kare baag baag
Taiba se aakar saba Tum pe Karoroñ Durood
Khalq ke haakim ho tum rizq ke qaasim ho tum
Tum se mila jo mila Tum pe Karoroñ Durood
Barse karam ki bharan phooleiñ ne‘am ke chaman
Aisi chalaa do hawaa Tum pe Karoroñ Durood
Kyuñ kahooñ bekas hooñ maiñ kyuñ kahooñ bebas hooñ maiñ
Tum ho maiñ tum par fida Tum pe Karoroñ Durood
Girne ko hooñ rok lo gota lage haath do
Aisoñ par aisi ataa Tum pe Karoroñ Durood
Apne khataawaaron ko apne hi daaman meiñ lo
Kaun kare ye bhalaa Tum pe Karoroñ Durood
Karke tumhaare gunaah maañgeiñ tumhaari panaah
Tum kaho daaman meiñ aa Tum pe Karoroñ Durood
Kardo adoo ko tabaah haasidoñ ko ru baraah
Ahle wila ka bhalaa Tum pe Karoroñ Durood
Hum ne khataa meiñ na ki tum ne ataa meiñ na ki
Koi kami sarwara Tum pe Karoroñ Durood
Kaam gazab ke kiye us pe hai Sarkaar se
Bandoñ ko chashme Raza Tum pe Karoroñ Durood
Aañkh ataa kijiye us meiñ ziya dijiye
Jalwa qareeb aagaya Tum pe Karoroñ Durood
