ZAMEEN O ZAMAAÑ
Zameen o Zamaañ Tumhare liye makeen o makaañ Tumhare liye
Chuneeno chunaañ Tumhare liye bane do jahaañ Tumhare liye
Dahen meiñ zubaañ Tumhare liye badan meiñ hai jaañ Tumhare liye
Hum aaye yahaañ Tumhare liye uthe bhi wahaañ Tumhare liye
Farishte khidam Rasool e Hisham tamaam e umam gulaam e karam
Wujood o adam Hudoos o Qidam jahaañ meiñ iyaañ Tumhare liye
Kaleem o Naji, Maseeh o Safi, Khaleel o Razi, Rasool o Nabi
Ateeq o Wasi Gani o Ali Sana ki Zubaañ Tumhare liye
Asaalat e kul Imaamat e kul Siyaadat e kul Imaarat e kul
Hukoomat e kul Wilaayat e kul khuda ke yahaañ Tumhare liye
Tumhari Chamak Tumhari Damak Tumhari Jhalak Tumhari Mahek
Zameen o Falak Samaak o Samak meiñ sikka nishaañ Tumhare liye
Ye Shams o Qamar ye Shaam o Sahar ye Barg o Shajar ye Baag o Samar
Ye Teg o Sipar ye Taaj o Kamar ye Hukm-e-Rawaañ Tumhare liye
Ye Faiz diye wo Jood kiye ke Naam liye Zamaana jiye
Jahaañ ne liye Tumhare diye ye Akramiyaañ Tumhare liye
Sahaab e Karam rawaana kiye ke Aab e ne’am zamaana piye
Jo rakhte the hum wo chaak siye ye satr e badaañ Tumhare liye
Ata e arab jila e karab fuyooz e ajab bagair e talab
Ye Rehmat e Rab hai kis ke sabab Birabb e Jahaañ Tumhare liye
Na Rooh e Ameeñ na Arsh e Bareeñ na loh e mubeeñ koi bhi kaheeñ
Khabar hi nahiñ jo ramzeiñ khuleeñ azal ki nihaañ tumhare liye
Jinaañ meiñ chaman, chaman meiñ saman, saman meiñ phaban, phaban meiñ dulhan
Saza e mihan pe aise minan ye amn o amaañ Tumhare liye
Khaleel o Naji, Maseeh o Safi sabhi se kahi kaheeñ bhi bani
Ye be khabari ke khalq phiri kahaañ se kahaañ Tumhare liye
Ye marhamateiñ ke kachhi mateiñ na chhodiñ lateiñ na apni gateiñ
Qusoor kareiñ aur un se bhareiñ Qusoor e jinaañ Tumhare liye
Fanaa badarat baqaa babarat ze har do jahat bagirde sarat
Hai markaziyat tumhari sifat ke dono kamaañ Tumhare liye
Ishaar-e se chaand cheer diya chhupe huwe khur ko pher liya
Gaye huwe din ko asr kiya ye Taab o Tawaañ Tumhare Liye
