KHWAJA E HIND WO DARBAAR
Khwaja e Hind wo darbaar hai a’ala Tera
Kabhi mehroom nahiñ maangne wala Tera
Hai teri zaat ajab behre haqeeqat pyaare
Kisi tairaak ne paaya na kinara Tera
Gulshane hind hai shaadaab kaleje thande
Waah aye abre karam zor barasna Tera
Phir mujhe apna dar-e paak dikha de pyaare
Añkheiñ purnoor hoñ phir dekh ke jalwa Tera
Zille Haq Gaus pe hai Gaus ka saaya tujh par
Saaya gustar sare khuddaam pe saaya Tera
Tujh ko Baghdaad se haasil huwi wo shaan e rafee
Dang reh jaate haiñ sab dekh ke rutba tera
Kyuñ na Baghdaad meiñ jaari ho tera chashma e faiz
Behr e Baghdaad hi ki nehr hai dariya Tera
Kursi daali teri takhte shahe jeelaañ ke Huzoor
Kitna ooñcha kiya Allah ne paaya Tera
Jab se tuney qadam e Gaus liya hai sar par
Awliya sar pe qadam lete haiñ shaaha tera
