SAIR E GULSHAN KAUN DEKHE
Sair e gulshan kaun dekhe dasht e taiba chhod kar
Sooye jannat kaun jaaye dar tumhara chhod kar
Sar guzasht e gam kahooñ kis se tere hote huwe
Kis ke dar par jaaooñ tera aastaana chhod kar
Be liqa e yaar un ko chain aa jata agar
Baar baar aate na yuñ jibreel sidrah chhod kar
Kis tamanna par jiyeñ ya Rab aseeraane qafas
Aa chuki baad e saba baag e Madina chhod kar
Khuld kaisa nafs sarkash jaaunga taiba ko maiñ
Bad chalan hat kar khada ho mujh se rastaa chhod kar
Hashr meiñ ek ek ka muñh takte phirte haiñ adu
Aafatoñ meiñ phañs gaye un ka sahara chhod kar
