KOI KYA JAANE JO TUM HO
Koi kya jaane jo tum ho Khuda hi jaane kya tum ho
Khuda to keh nahi sakte magar shaane Khuda tum ho
Nabiyoñ meiñ ho tum aise nabiyul ambiya tum ho
Hasinoñ meiñ tum aise ho ke Mehboob e Khuda tum ho
Tumhara husn aisa hai ke mehboob e khuda tum ho
Mahe kaamil kare kasb e ziya wo meh liqa tum ho
Tumhari hamd farmayi khuda ne apne qur’an meiñ
Muhammad aur Mumajjad Mustafa o Mujtaba tum ho
Khuda ne zaat ka apni tumheiñ mazhar banaya hai
Jo haq ko dekhna chaaheiñ to us ke aaina tum ho
Jahaañ taareek thaa saara andhera hi andhera tha
Tum aaye zulmateiñ tum se miteeñ badrudduja tum ho
Mera muñh kya ke maiñ madho sataaish meiñ zubaañ kholuñ
Mere aaqa tum aise ke mamdoohe khuda tum ho
Shabe Me’araaj se aye sayyide kul ho gaya zaahir
Rusul haiñ muqtadi saare Imaamul Ambiya tum ho
Tumhare baad paida ho nabi koi nahiñ mumkin
Nubuwwat khatm hai tum par ke Khatmul Ambiya tum ho
Giraftaare balaa haazir huwe haiñ toote dil lekar
Ke har bekal ki kal toote diloñ ka aasra tum ho
Khabar lije khudaara mere maula mujh se bekas ki
Ke har bekas ke kas bebas ke bas roohi fida tum ho